Тошкент, Ўзбекистон (UzDaily.uz) — Жорий йилнинг 5 февраль куни Куала-Лумпурда Малайзия-Ўзбекистон бизнес-форуми бўлиб ўтади. У икки давлат тадбиркорлари ва давлат вакиллари ўртасида ўзаро манфаатли ҳамкорликни ривожлантириш учун муҳим платформага айланади.

Форум доирасида Ўзбекистон ва Малайзия вакиллари томонидан тақдимотлар ўтказилиши режалаштирилган бўлиб, уларда иқтисодий ҳамкорлик масалалари муҳокама қилинади ва экспертларнинг чиқишлари бўлиб ўтади.

Шунингдек, B2B ва G2B шаклида музокаралар ўтказилиши режалаштирилган, улар давомида истиқболли лойиҳалар ва ҳамкорлик алоқаларини ўрнатиш имкониятлари кўриб чиқилади.

Форумнинг асосий мақсади икки давлат ўртасида савдо-иқтисодий ва инвестицион алоқаларни мустаҳкамлаш, янги бизнес имкониятларини яратиш ва илмий-техникавий ҳамкорликни ривожлантиришдир.