Ўзбекистон ва Германия икки томонлама ҳамкорликни жадал ривожлантиришга тайёр

Жорий йилнинг 2 май куни Ўзбекистон Республикаси Президенти Ш.М.Мирзиёйевнинг Германия Федератив Республикасига ташрифи арафасида Берлин шаҳрида қўшма бизнес-форум бўлиб ўтди. Унда икки мамлакатнинг йирик компаниялари, холдинглари ва саноат корхоналари, банклари, вазирликлари, идоралари ва саноат бирлашмаларининг 250 дан ортиқ раҳбарлари иштирок этди.

Ўзбекистон Республикаси Бош вазирининг ўринбосари Жамшид Хўжаев қутлов сўзи билан сўнгги йилларда Ўзбекистон ва Германия ўртасидаги икки томонлама муносабатлар фаол ривожланаётганини, бу икки давлат раҳбарларининг ишончи ва сиёсий иродаси туфайли эришилганини алоҳида таъкидлади.

Ўзаро товар айирбошлаш ҳажмининг ўсиши кузатилди, сўнгги 5 йил ичида бу кўрсаткич икки баравар ошди. 2022 йил якунига кўра ўзаро савдо кўрсаткичлари яна 50 фоизга ошди ва биринчи марта 1 миллиард евродан ошди.