Тошкент, Ўзбекистон (UzDaily.uz) — Ўзбекистон Республикаси адлия вазири ўринбосари Ш. Рабиев Cингапурда амалий ташриф билан бўлди.

Ташриф доирасида Cингапур Халқаро Медиация маркази раҳбарияти билан учрашув бўлиб ўтди, унда томонлар низоларни ҳал этиш ва медиацияни ривожлантириш соҳасида келгусидаги ҳамкорлик йўналишлари бўйича келишиб олдилар.

Бундан ташқари, Тошкент Медиация Маркази ва Cингапур Халқаро Медиация Маркази ўртасида медиация соҳасида профессионал алмашинувни кучайтириш, биргаликда кадрлар тайёрлаш ва халқаро стандартларни илгари суришга қаратилган ўзаро англашув меморандуми имзоланди.