Тошкент, Ўзбекистон (UzDaily.uz) — Ўзбекистон Республикаси ташқи ишлар вазири Бахтиёр Саидов Халқ Демократик Бангладеш Республикасининг ташқи ишлар бўйича маслаҳатчиси Тухид Хосейн билан учрашув ўтказди.

Конструктив руҳда ўтган суҳбат чоғида томонлар икки томонлама ҳамкорликни чуқурлаштириш истиқболларини муҳокама қилдилар. Айниқса, сиёсий мулоқотни мустаҳкамлаш, савдо-иқтисодий алоқаларни кенгайтириш, шунингдек, икки мамлакат ўртасидаги маданий ва гуманитар алмашинувни ривожлантириш масалаларига алоҳида эътибор қаратилди.

Ўзбекистон ташқи ишлар вазири таъкидлаганидек, Бангладеш билан муносабатларда катта салоҳият мавжуд. Хусусан, минтақавий ва кўп томонлама майдонларда ўзаро ҳамкорликни фаоллаштириш бу имкониятларни амалга оширишда муҳим аҳамият касб этади.