Тошкент, Ўзбекистон (UzDaily.uz) — Ўзбекистон Ташқи ишлар вазири Бахтиёр Саидов БАА Бош вазирининг ўринбосари ва Ташқи ишлар вазири шайх Абдулла бин Заид Ал Наҳаён билан учрашув ўтказди.

Музокаралар президент Шавкат Мирзиёевнинг БААга расмий ташрифи арафасида бўлиб ўтди.

Суҳбат давомида Бахтиёр Саидов Ўзбекистон ва БАА ўртасидаги ҳамкорлик жадал ривожланаётгани ва мустаҳкамланаётганини таъкидлади.

Томонлар икки томонлама муносабатларнинг асосий йўналишларини, кўп томонлама ҳамкорликнинг долзарб масалалари ҳамда 2025 йилга мўлжалланган режаларни муҳокама қилишди.

Эслатиб ўтамиз, 13 январь куни президент Шавкат Мирзиёев икки давлат ўртасидаги стратегик шериклик истиқболларини муҳокама қилиш мақсадида БААга расмий ташриф билан келди.