Тошкент, Ўзбекистон (UzDaily.uz) — Ўзбекистон ўсмирлар терма жамоаси (U-17) жорий йил Қатарда бўлиб ўтадиган жаҳон чемпионатига тайёргарликни давом эттирмоқда.

Россиядаги ўқув-машғулот йиғини доирасида жамоа Москванинг «Чертаново» клубига қарши навбатдаги назорат учрашувини ўтказди.

Беллашув 1:1 ҳисобида дуранг билан якунланди. Ўзбекистон терма жамоаси таркибида Асилбек Алиев гол муаллифи бўлди.

Бу Россия йиғинидаги иккинчи ўйин бўлди: аввалроқ юртдошларимиз ЦСКА ёшлар жамоасини 1:0 ҳисобида мағлуб этган эдилар.

Эслатиб ўтамиз, Ўзбекистон U-17 терма жамоаси Осиё чемпиони ҳисобланади ва жаҳон чемпионатида юқори мақсадлар билан қатнашишга тайёргарлик кўрмоқда.