Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов дунёдаги етакчи алюминий ишлаб чиқарувчилардан бири Aluminium Bahrain (Alba) компанияси бош директори Али Ал Бакали билан учрашди.

Учрашувда Alba каби илғор компаниялар билан иқтисодий алоқаларни мустаҳкамлаш, қўшма лойиҳалар яратиш муҳокама қилинди.

Саидов кун тартибида яшил энергия, юқори технологияли ишлаб чиқаришни ривожлантириш, қўшма корхоналарни ривожлантириш ҳам борлигини таъкидлади.