Тошкент, Ўзбекистон (UzDaily.uz) — Ўзбекистон Транспорт вазирлиги Россия, Хитой ва Марказий Осиё давлатларига янги халқаро автобус йўналишларини ишга тушириш режалари ҳақида маълум қилди.

Бу мақсадда маҳаллий ташувчилар хорижий компаниялар билан ҳамкорликка жалб этилади.

Режага кўра, Қозоғистонга янги йўналишлар Бухорони Туркистон билан, Урганчни Оқтау билан ва Фарғонани Тожикистон ҳудуди орқали Олмати билан боғлайди.

Шунингдек, Қирғизистонга йўловчи ташишни ривожлантириш кўзда тутилган бўлиб, унга Андижондан Ўш, Жалолобод ва Арсланбобга, Қосонсойдан Жалолободга ва Бухородан Бишкекка рейслар киради.

Бундан ташқари, Самарқанд ва Бухородан тўғридан-тўғри Душанбега рейслар ташкил этилади, Нуқусдан эса Урганч ва Бухоро орқали Хитойнинг Ўрумчи шаҳрига йўловчилар ташилади.

Шунингдек, Сурхондарё вилоятидан Москвага янги автобус йўналишлари ишга туширилади, йўлда Бухоро, Урганч ва Нуқус шаҳарларида тўхташ жойлари бўлади.

Қўшимча равишда, Нуқус ва Тошкентдан Уфа ва Краснодарга ҳам автобуслар қатнайди.