Тошкент, Ўзбекистон (UzDaily.uz) — Ўзбекистон Республикаси Президенти МДҲ саммитида иштирок этмоқда

Россия Федерацияси Президенти Владимир Путин раислигида ўтаётган саммитда Озарбайжон Республикаси Президенти Илҳом Алиев, Беларусь Республикаси Президенти Александр Лукашенко, Қозоғистон Республикаси Президенти Қасим-Жомарт Тоқаев, Қирғиз Республикаси Президенти Садир Жапаров, Тожикистон Республикаси Президенти Эмомали Раҳмон, Туркманистон Президенти Сердар Бердимуҳамедов ва Арманистон Бош вазири Никол Пашинян, шунингдек, МДҲ бош котиби Сергей Лебедев қатнашмоқда.

Кун тартибига мувофиқ, кўп қиррали муносабатларнинг ҳолати ва ривожланиш истиқболлари юзасидан фикр алмашилади, МДҲ доирасидаги амалий ҳамкорликнинг долзарб масалалари муҳокама қилинади.