Тошкент, Ўзбекистон (UzDaily.uz) — Қозоғистоннинг Астана шаҳрида якунланган Осиё чемпионатида оғир атлетика бўйича Ўзбекистон ўсмирлар ва ёшлар терма жамоалари тўпланган очколар сони бўйича ҳам, медаллар сони бўйича ҳам биринчи ўринни эгаллаб, ишончли ғалабага эришди.

Ўзбекистон ўсмирлар терма жамоаси 3 олтин, 7 кумуш ва 20 бронза, ёшлар терма жамоаси эса 5 олтин, 13 кумуш ва 10 бронза медалини қўлга киритди.

Ушбу натижаларга кўра, ҳар икки жамоа умумжамоа ҳисобида биринчи ўринни ишончли тарзда эгаллади.