Тошкент, Ўзбекистон (UzDaily.uz) — Ўзбекистон Марказий Осиё мамлакатлари орасида чиқиндиларни энергияга қайта ишлаш бўйича пионерга айланади.

2024 йил охирида Хитойнинг Shanghai SUS Environment Co. Ltd компанияси вице-президенти Том Ши Ўзбекистон билан ҳамкорликни юқори баҳолаб, маиший чиқиндиларни энергияга қайта ишлаш соҳасидаги истиқболларни қайд этди.

Президент Шавкат Мирзиёев раҳбарлигида Ўзбекистон чиқиндиларни бошқариш ва қайта тикланадиган энергетика соҳасидаги ташаббусларни фаол илгари сурмоқда. Бу хорижий инвесторларни жалб қилиб, замонавий технологияларни жорий этишга ёрдам бермоқда.

2024 йилда Shanghai SUS Environment Co. Ltd Ўзбекистон бозорида ўз фаолиятини бошлади ва мамлакат барқарор ривожланиши учун инновацион ечимлар таклиф қилмоқда. Чиқиндиларни энергияга қайта ишлаш заводларининг ишга туширилиши билан Ўзбекистон Марказий Осиёда экологик тоза технологияларни жорий қилган биринчи мамлакатга айланиши кутилмоқда.

Компания вакиллари лойиҳаларнинг муваффақияти Ўзбекистон ҳукуматининг қўллаб-қувватлаши ва қулай инвестициявий муҳит яратилиши туфайли амалга ошганини таъкидладилар.

Компаниянинг узоқ муддатли мақсадлари қуйидагиларни ўз ичига олади: халқаро стандартларга мос жиҳозлар ишлаб чиқариш, етакчи хитойлик компанияларни қўшма лойиҳаларга жалб қилиш, маҳаллий мутахассисларни тайёрлаш, илмий тадқиқотларни ўтказиш ва норматив базани ишлаб чиқиш.

Ушбу режаларни амалга ошириш учун тахминан 1 миллиард АҚШ доллари миқдорида инвестиция йўналтириш кўзда тутилган.

2025 йилга келиб, Ўзбекистон ва Хитой ўртасида ушбу соҳадаги ҳамкорлик янада чуқурлашиши, икки томонлама муносабатларга янги туртки беришини кутмоқда.