Тошкент, Ўзбекистон (UzDaily.uz) — Тоғ-кон саноати ва геология вазирлигида Хитойнинг JDB Group Limited компанияси делегацияси билан учрашув бўлиб ўтди.

Учрашувда вазир ўринбосари У. Юсупов ҳамда вазирлик мутасаддилари JDB Group Limited компанияси раисининг ўринбосари Чан Ман Ин ҳамда компания вакиллари иштирок этишди.

Учрашув давомида томонлар Ўзбекистонда хорижий инвесторлар, ер қаъри фойдаланувчилари ва тадбиркорларга яратилаётган шарт-шароитлар, шу билан бирга, компания вакилларинининг ҳудудларга ташрифи ва жойига чиққан ҳолда истиқболли майдонларда ўтказилган ўрганишлари юзасидан фикр алмашдилар.

Шу билан бирга, компания вакиллари билан Англашув меморандуми имзоланиб, истиқболли майдонларни ўзлаштиришда ҳамкорлик қилишга келишилди.