Валюта курслари 29/08/2025
$1 – 12482.38
UZS – 0.56%
€1 – 14540.72
UZS – 1.07%
₽1 – 155.23
UZS – 0.62%
Қидириш
Иқтисод 30/08/2025 Ўзбекистон делегацияси Австрияда бизнесга ўқитиш тажрибаси билан танишди

Ўзбекистон делегацияси Австрияда бизнесга ўқитиш тажрибаси билан танишди

Тошкент, Ўзбекистон (UzDaily.uz) — Ўзбекистон Савдо-саноат палатаси раисининг биринчи ўринбосари Давронбек Қурбонов бошчилигидаги делегация Австрияга хизмат сафари доирасида бизнесга ўқитиш ва касбий тайёргарлик соҳасида фаолият юритаётган WiFi International компанияси раҳбари Клаудия Нойманн билан учрашди.

WiFi International – иқтисодий ривожланиш, мижозлар бошқаруви ва касб-ҳунар таълими йўналишларида етакчи компания ҳисобланади. 2024 йилга қадар компания томонидан 33 мингта тренинг ташкил этилган бўлиб, уларда 350 мингга яқин иштирокчи билим ва кўникмаларга эга бўлган. Шунингдек, 9 мингдан зиёд халқаро ISO сертификатлари топширилган.

Учрашув давомида делегацияга компаниянинг эришган натижалари ва ўқув дастурлари тақдим қилинди. Шу билан бирга, Фарғона водийсида ташкил этилган Ҳудудий бизнес-инкубаторлар фаолияти ҳақида ҳам тажриба алмашилди.

Учрашув якунлари бўйича икки томонлама алоқаларни йўлга қўйиш ва WiFi International тажрибасини Ўзбекистонга татбиқ қилиш борасида келишувларга эришилди.

Энг сўнгги янгиликлардан хабардор бўлинг
Телеграм каналимизга обуна бўлинг