Тошкент, Ўзбекистон (UzDaily.uz) — 2024 йил январь-ноябрь ойларида Ўзбекистон 205,5 минг тонна узум экспорт қилиб, бундан $174,7 миллион даромад олди. Бу ҳақда Статистика агентлиги маълумотларида келтирилган.

Экспортнинг асосий қисми МДҲ давлатларига тўғри келди.

Энг йирик импортчи Россия бўлиб, у 164,2 минг тонна узум харид қилди, бу умумий экспорт ҳажмининг катта қисмини ташкил этади.

Қозоғистон 19,4 минг тонна, Қирғизистон эса 14,5 минг тонна маҳсулот импорт қилди.

Шунингдек, Беларусга 6,6 минг тонна, Украинага эса 334 тонна узум етказиб берилди.

Монголия ушбу даврда 128 тонна узум харид қилган.

Қолган 393 тонна узум эса бошқа давлатларга экспорт қилинди.