Тошкент, Ўзбекистон (UzDaily.uz) -- Адлия вазирининг буйруғи билан Идоравий норматив-ҳуқуқий ҳужжатларни тайёрлаш ва қабул қилиш қоидаларига ўзгартиришлар киритилди. Ҳужжатга мувофиқ, идоравий норматив-ҳуқуқий ҳужжат лойиҳасини келишиш тартиби соддалаштирилди.

Хусусан, эндиликда бошқа идоралар билан келишиб қабул қилинган идоравий қонун ҳужжатларга киритилаётган ўзгартиришларни шу идораларнинг барчаси билан келишиш шарт эмас. Ўзгартиришлар киритишда, ҳужжат қабул қилинишида келишилган идоралардан қайси бирининг манфаатларига (ваколатларига) дахл қилса, ўша идоранинг розилиги олинади.

Манба: Адлия вазирлигининг телеграмдаги “Ҳуқуқий ахборот” канали.