Тошкент, Ўзбекистон (UzDaily.uz) — Куни кеча «Ўзелтехсаноат» уюшмасида АҚШнинг нуфузли «McKinsey» компанияси вакиллари билан учрашув бўлиб ўтди.

Учрашувда Иқтисодиёт ва молия вазирининг ўринбосари Ахадбек Хайдаров, «Ўзелтехсаноат» уюшмаси бошқаруви раиси Мирзиёд Юнусов, уюшма раиси ўринбосари Фаридун Абдуалимов, «McKinsey» компаниясининг Африка, Яқин Шарқ, Туркия ва МДҲдаги операциялари раҳбари Сергей Цоколов, компаниянинг Марказий Осиёдаги молия ва телекоммуникация лойиҳалари раҳбари Рустам Шаназаров ва бошқалар иштирок этдилар.

Мамлакатимизда электроника ва электротехника стратегиясини ишлаб чиқиш бўйича ҳамкорлик қилиш масалалари мазкур учрашувда муҳокама қилинди.