Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
05/05/2018
“Mabetex Group” кўп функцияли концерт зали ҳамда меҳмонхона лойиҳасини ишлаб чиқади
“Mabetex Group” кўп функцияли концерт зали ҳамда меҳмонхона лойиҳасини ишлаб чиқади
Тошкент, Ўзбекистон (UzDaily.uz) --
Тошкент шаҳар ҳокими вазифасини бажарувчи Жаҳонгир Ортиқхўжаев компания президенти Африм Поколли раҳбарлигидаги Швейцариянинг “Mabetex Group” компанияси делегацияси билан музокаралар ўтказди. Учрашув чоғида икки томонлама ҳамкорлик, архитектура ва қурилиш ишлари юзасидан фикр алмашдилар. Бу ҳақда Тошкент шаҳар ҳокимлиги Ахборот хизмати хабар беради.
Томонлар ўзаро мулоқот чоғида Тошкент шаҳрида бунёд этилаётган ва келгусида режалаштирилаётган янги лойиҳалар тўғрисида сўз юритди. Хусусан, Тошкент шаҳар ҳокимининг таклифини маъқуллаб Африм Поколли бир ярим ой муддатда минг томошабинга мўлжалланган кўп функцияли концерт зали ҳамда беш юлдузлик меҳмонхона лойиҳасини ташқи ва ички кўриниши мужассам бўлган тақдимотини ўтказишга ваъда берди.
Маълумки Швейцариянинг “Mabetex Group” компанияси 1990 йилда ташкил топган бўлиб, ҳозиргача дунёнинг 16та ривожланган мамлакатларида ўз лойиҳалари билан иштирок этиб келмоқда. Компаниянинг асосий иш тартибида катта–катта иншоотларни қуриш ва реконструкция қилиш, архетектура қўлланмаларини жорий қилиш ва улар устида ишлашдан иборат. “Mabetex Group” компанияси Олмаота шаҳридаги Остона опера театрини ҳам ўз лойиҳалари асосида қурган.
СЎНГИ ЯНГИЛИКЛАР