Тошкент, Ўзбекистон (UzDaily.uz) — 7 март куни Хитойнинг «Икки сессия» доирасида ўтказилган Бутунхитой халқ вакиллари йиғини сессиясида Хитой Коммунистик партияси Марказий қўмитасининг сиёсий бюро аъзоси ва Синьцзян-Уйғур автоном райони партия қўмитасининг котиби Ма Синжуй хорижий оммавий ахборот воситаларини Синьцзянга ташриф буюришга чақирди.

Ма Синжуй геноцид ва мажбурий меҳнат ҳақидаги айбловларни кескин рад этиб, шундай деди:
❝ Қандай мажбурий меҳнат, қандай геноцид? Буларнинг ҳеч бири йўқ! Мен барча ҳурматли журналистларни Синьцзянга келишга, унинг кўчаларида юришга, ўз кўзлари билан кўришга ва ҳақиқий вазиятни ҳис қилишга таклиф қиламан. Айрим ОАВ томонидан Синьцзянни қоралашга қаратилган сохта хабарларга ишонманг. ❞

Бу таклиф Хитой раҳбариятининг очиқлик ва шаффофликка интилишини ҳамда минтақадаги ҳақиқий вазиятни дунё жамоатчилигига намоён қилиш истагини таъкидлайди.