Тошкент, Ўзбекистон (UzDaily.uz) — Литвада ишчи кучига бўлган талаб юқори, бироқ миграция жараёнларини тартибли ташкил этиш муҳим.

Бу ҳақда Литва Ички ишлар вазири ўринбосари Алисия Шербаите ва Миграция департаменти директори Эвелина Гудзинскайте ўртасида бўлиб ўтган музокарада таъкидланди.

Вильнюс шаҳрида бўлиб ўтган учрашувда, Ўзбекистон фуқароларига ишчи визани тақдим этиш даврини қисқартириш масаласи кўриб чиқилди (ҳозирда 3 ойдан ортиқ).

Миграция агентлиги ва Ташқи ишлар вазирлиги Литвада ишламоқчи бўлган ҳамюртларимизга “QR код” хизматини кўрсатади ва бу орқали Литва томони фуқароларимизга қисқа муддатда иш визасини тақдим қилади. Бу борада тегишли ҳужжат имзоланади.