2016-йилнинг 16-май куни Ўзбекистон Республикаси Президенти Ислом Каримов “Корея Республикаси билан савдо-иқтисодий, инвестицион ва молиявий ҳамкорликни янада кенгайтириш бўйича чора-тадбирлар тўғрисида”ги Қарорга имзо чекди.

Қарорда кўрсатилишича, жорий йилнинг 27-29 апрель кунлари Сеул шаҳрида ўтказилган Ўзбекистон-Корея бизнес форуми якунларига кўра, республикамиздаги акциядорлик жамиятларининг устав капиталидаги давлат улушини кореялик инвесторларга сотиш ва истиқболли инвестицион лойиҳаларни тайёрлаш бўйича келишувларга эришилди.

Қарорда биноан, форум давомида кореядаги етакчи компания ва банкларга “Уйжойжамғармабанк” (устав капиталидаги 15 фоизини 63,6 млн. АҚШ долларига), Асакабанк (устав капиталидаги 15 фоизини 58,0 млн. АҚШ долларига) ва “Алоқабанк” (устав капиталидаги 47,54 фоизини 42,7 млн. АҚШ долларига)нинг устав капиталидаги улушларини сотиш бўйича Меморандум ва Протоколлар имзоланган.

Шунингдек, Жанубий кореялик инвесторлар “Равнақбанк”нинг 15 фоиз акциясини 0,5 млн. АҚШ долларига сотиб олишади, дейилади Қарорда.