Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
28/07/2016
IUT Ўзбекистонда биринчи маротаба кириш имтиҳонларини online тарзда намойиш этади
IUT Ўзбекистонда биринчи маротаба кириш имтиҳонларини online тарзда намойиш этади
Тошкент, Ўзбекистон (UzDaily.uz) --
Тошкент шаҳридаги Инҳа университети (IUT) Ўзбекистонда биринчи маротаба 2016-йилнинг 29-июль куни бўлиб ўтадиган имтиҳонларни кузатишни истаганлар учун имконият яратиб, кириш имтиҳони жараёнларини реал вақт режими(online)да намойиш этади.
Маълумки, IUT кириш имтиҳонлари жараёнларининг шаффофлиги ва очиқлигига ишонч ҳосил қилишлари учун, мазкур жараёнларни кузатиш учун оммавий ахборот воситалари вакилларини ҳам таклиф қилди.
Шунингдек, IUT 29-июль, яъни имтиҳон куни бутун жамоатчилик учун кириш имтиҳонларининг видео стримингни ташкил қилмоқда. Бунда барча хоҳловчилар кириш имтиҳонлари жараёнларини live.inha.uz. ҳаволаси орқали online кузатишлари мумкин.
Кириш имтиҳонлари ўтадиган залда веб-камералар ўрнатилган бўлиб, улар ёрдамида кириш имтиҳони жараёнларини online кузатиш мумкин.
Мазкур саҳифа TAS-IX ҳудудида жойлашганлиги сабабли, видео оқимнинг юкланишдаги тезлигини таъминлайди. Кўпгина интернет-провайдерлар TAS-IX даги трафикларга ҳақ олмагани учун, фойдаланувчиларнинг маблағлари тежалади.
Ўзбекистонда биринчи маротаба амалга оширилаётган лойиҳа “EastTelecom” ва “Real Solutions” компаниялари билан ҳамкорликда ташкиллаштирилмоқда. “EastTelecom” компанияси лойиҳани амалга ошириш учун интернет каналини тақдим этган бўлса, “Real Solutions” компанияси видео стримингни ташкил этишда кўмак берди.
СЎНГИ ЯНГИЛИКЛАР