Ишлаб чиқариш ва саноат кооперациясини ривожлантириш учун янги имкониятлар

Жорий йилнинг 25 апрель куни «ИННОПРОМ. Марказий Осиё» халқаро саноат кўргазмасининг очилиш маросими ва асосий ялпи мажлиси бўлиб ўтди. Тадбирда Ўзбекистон Республикаси Бош вазирининг ўринбосари Жамшид Хўжаев, Россия Федерацияси Бош вазири ўринбосари – саноат ва савдо вазири Денис Мантуров, Қозоғистон ва Тожикистон делегациялари раҳбарлари, вилоятлар ҳокимликлари раҳбарлари, йирик компаниялар раҳбарлари ва кўргазмада иштирок этувчи мамлакатларнинг молия институтлари иштирок этишди.

Тадбирни очар экан, делегациялар раҳбарлари Ўзбекистон Республикаси Президенти ва Россия Федерацияси Президентининг тадбир иштирокчиларига Мурожаатномаларини ўқиб эшиттирди.