Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
06/04/2018
Ҳеч бир камчилик эътибордан четда қолмайди
Ҳеч бир камчилик эътибордан четда қолмайди
Тошкент, Ўзбекистон (UzDaily.uz) --
2018 йилнинг 2 апрель куни Ижтимоий тармоқларда "Боғчада тушлик кечикди – болалар оч ухлаб қолди" мавзусида видеоматериал тарқалган. Мактабгача таълим вазирлиги ушбу намойиш этилган видеоматериалда кўрсатилган ҳолатни аниқлаш учун тезкор ишчи гуруҳи ташкил этиб, суриштирув ўтказди.
Аниқланишича, ушбу видеотасвир Андижон вилояти Хўжабод туманидаги 1-мактабгача таълим муассасасининг ёзги ошхонасида 2 апрель куни соат 11.20да боғча тарбиячиси 1998 йилда туғилган З.М. тамонидан тасвирга олиниб, ижтимоий тармоқларга тарқатилган.
Ўтказилган тезкор суриштирув давомида ҳақиқатдан ҳам мазкур боғчада 2 апрель куни гўшт маҳсулоти белгиланган вақтидан кеч олиб келинганлиги сабабли, боғча тарбияланувчилари учун тушлик ўз вақтида тайёрланмаган ва тарқатилмаган.
Шу боис, ўз вазифасига совуққонлик билан қарагани ва боғча ёзги ошхонасида антисанитария ҳолатларини келтириб чиқаргани учун 1-МТМ омборчиси Алишер Аҳмедов, бош ошпаз Улуғбек Жалилов ҳамда ошпаз Абдужалил Султоновлар билан тузилган меҳнат шартномаси бекор қилинди.
Шунингдек, ўз ишида жиддий камчиликларга йўл қўйгани учун муассаса мудираси С.Абдуллаева эгаллаб турган лавозимидан озод этилди.
Мактабгача таълим вазирлиги ҳар бир ноқонуний ҳати-ҳаракат юзасидан ўз муносабатини билдириб, масъулиятсиз ходимларга кескин чора кўрилиши ҳақида яна бир бор огоҳлантиради.
Вазирлик Ахборот хизмати.
СЎНГИ ЯНГИЛИКЛАР