Энг сўнгги янгиликлардан хабардор бўлинг
Телеграм каналимизга обуна бўлинг
Иқтисод
28/02/2018
Грузия Ўзбекистон юкларига 60 фоизлик чегирма тақдим этди
Грузия Ўзбекистон юкларига 60 фоизлик чегирма тақдим этди
Тошкент, Ўзбекистон (UzDaily.uz) --
2018 йил 22-23 февраль кунлари Грузия пойтахти Тбилиси шаҳрида “Ўзбекистон темир йўллари” акциядорлик жамияти “Грузия темир йўллари” акциядорлик жамияти вакиллари ўртасида музокара бўлиб ўтди. Бу ҳақда “Ўзбекистон темир йўллари” акциядорлик жамияти хабар қилди.
Грузия делегацияси раҳбари “Грузия темир йўллари” АЖ директор ўринбосари А.Николаишвили ҳозирда тест режимида ишлаётган янги «Баку – Тбилиси – Карс» темир йўл йўналиши ҳақида маълумот берди.
Таъкидланишича, контейнер юк ташувчи ушбу йўналишда синов ишлари якунлангач, юк ташиш оқимини ошириш чоралари кўрилади.
Грузия томони Хитой Халқ Республикасига юкларни ташишда Ўзбекистонда янги ташкил этилган “Андижон” мультимодал транспорт-логистика маркази транзит имкониятларига қизиқиш билдирди.
Учрашув якунида Грузия томони Ўзбекистон Республикаси ташқи савдо юк ташиш нархларига 50 фоиз ва қўшимча 10 фоиз чегирма жорий этгани маълум қилинди.
СЎНГИ ЯНГИЛИКЛАР