Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
24/05/2016
Франция элчихонаси визага ҳужжатларни топшириш жараёнига ўзгартириш киритди
Франция элчихонаси визага ҳужжатларни топшириш жараёнига ўзгартириш киритди
Тошкент, Ўзбекистон (UzDaily.uz) --
Тошкентдаги Франция элчихонаси 20-июндан бошлаб визага ҳужжатларни топшириш мақсадида виза бўлими қабулига ёзилиш учун Телефон хизмат ва маълумот маркази очилиши ҳақида эълон қилади.
Элчихона томонидан ушбу янги тартибнинг ўрнатилишидан мақсад визага ҳужжатларни топширувчи шахсларга сифатли ва тезкор маълумот етказиш ҳамда виза бўлимида қабул қилиш шароитларини яхшилашдан иборат.
Виза бўлимига ёзилиш масалалари билан «TLS Contact» компанияси шуғулланади.
20-июнгача виза бўлимига ташриф буюрувчиларни қабул қилиш тартиби ўзгаришсиз қолади: олдиндан қабулга ёзилмасдан душанбадан жумагача соат 09.00 дан 12.00 гача.
Янги тизимга мослашиш учун унга ўтиш даври 23-июнгача давом этади. 23-июндан кейин «TLS Contact» компанияси орқали олдиндан ёзилмаган ташриф буюрувчилар виза бўлимида қабул қилинмайди.
«TLS Contact» компанияси билан боғланишга оид маълумотлар ҳамда қабулга ёзилиш аутсорсинг тизимининг жорий қилинишига оид қўшимча маълумотлар яқин кунларда эълон қилинади.
СЎНГИ ЯНГИЛИКЛАР
23/12/2024
Батафсил »
2024 йилнинг январь-сентабр ойларида АҚШдан Ўзбекистоннинг 570 дан ортиқ фуқароси депортация қилинди
23/12/2024
Батафсил »
23/12/2024
Батафсил »