Тошкент, Ўзбекистон (UzDaily.uz) — 21 феврал куни, 2024/2025 йилги Европа Лигасининг 1/8 финал босқичи учун қуръа ташлаш маросими бўлиб ўтди. Унга кўра, мусобақанинг кейинги босқичида тўқнаш келадиган жамоалар аниқланди.

Норвегиянинг «Будё-Глимт» клуби юнонларнинг «Олимпиакос» жамоаси билан ўйнайди, Туркиянинг «Фенербахче» клуби эса Шотландиянинг «Рейнджерс» жамоасига қарши баҳс олиб боради. Амстердамнинг «Аякс» клуби Германиянинг «Айнтрахт» жамоаси билан куч синашса, Румыниянинг «Стяуа» клуби Франциянинг «Лион» жамоасига қарши ўйнайди.

Голландиянинг «АЗ Алкмар» жамоаси Лондоннинг «Тоттенхэм» клубига қарши майдонга тушади. «Реал Сосьедад» эса Англиянинг «Манчестер Юнайтед» жамоасига қарши баҳс олиб боради. Чехиянинг «Виктория Пльзень» клуби Италиянинг «Лацио» жамоасига қарши ўйнаса, «Рома» клуби Бильбаонинг «Атлетик» жамоасига қарши майдонга тушади.

Европа Лигаси 1/8 финал босқичининг илк учрашувлари 6 март куни, жавоб баҳслари эса 13 март куни бўлиб ўтади. Мусобақанинг финал учрашуви 21 май куни Испаниянинг Бильбао шаҳрида бўлиб ўтади.