Тошкент, Ўзбекистон (UzDaily.uz) — Афғонистонда содир бўлган зилзила Ўзбекистонда ҳам сезилди. Бу ҳақда Фавқулодда вазиятлар вазирлигининг Республика Сейсмопрогностик мониторинги маркази хабар берди.

Марказ маълумотларига кўра, зилзила 13-ноябрь куни Тошкент вақти билан соат 10:13 (Гринвич вақти билан 05:13) да содир бўлган.

Зилзила эпицентри Афғонистонда жойлашган бўлиб, унинг координаталари 36,4° шимолий кенгликда ва 71,2° шарқий узунликда бўлган.

Зилзила кучи 5,8 магнитудани, чуқурлиги эса 100 кмни ташкил қилган. Зилзила ўчоғидан Тошкентгача бўлган масофа жануби-шарқий йўналишда 568 км.

Сурхондарё вилоятида зилзила кучи 2 баллни (зилзила марказидан 362 км узоқликда) ташкил этди.