Ташкент, Узбекистан (UzDaily.uz) – Ҳамюртимиз Элнур Абдураимов бугун Россиянинг Екатеринбург шаҳрида ташкил қилинган бокс кечасида ўзининг навбатдаги жангини ўтказди.

Мезбон боксчи Дмитрий Хасиевга қарши баҳс олиб борган юртдошимиз 6 раундга мўлжалланган жангда ҳаракат қилди. Мезбон мухлисларнинг қўллаб-қувватлашига қарамасдан ўзининг фаол ҳаракати ажралиб турган Элнур 2-раундда рақибини нокаутга учратиб, ғалабани ўз томонига оғдира олди.

Таъкидлаш жоиз, бу Абдураимовнинг профессионал боксдаги тўртинчи жанги эди ва бу гал ҳам рингда қўли баланд келди.

Манба: Ўзбекистон миллий олимпия қўмитаси.