Тошкент, Ўзбекистон (UzDaily.uz) — Италиянинг "Рома" клуби ва Ўзбекистон миллий терма жамоаси ҳужумчиси Элдор Шомуродов яқин орада жамоани тарк этиши мумкин. Бу ҳақда италиялик спорт журналисти Николо Скира маълум қилди.

Жорий мавсумда А Сериясида у 7 та ўйинда иштирок этиб, 1 та гол уришга ва 1 та голли узатма беришга муваффақ бўлган.

Аввалроқ Шомуродов жамоадаги ролига нисбатан ўзининг норозилигини билдиргани ва клубни тарк этиш эҳтимолини маълум қилгани хабар қилинган эди.

Ҳозирча "Рома" клуби вакиллари ёки футболчининг ўзи трансфер бўйича расмий изоҳ бермаган.