Энг сўнгги янгиликлардан хабардор бўлинг
Телеграм каналимизга обуна бўлинг
Иқтисод
30/10/2017
Элчи: “Ўзбекистон билан Германия ўртасидаги иқтисодий ҳамкорлик муносабатларининг устувор йўналиши ҳисобланади”
Элчи: “Ўзбекистон билан Германия ўртасидаги иқтисодий ҳамкорлик муносабатларининг устувор йўналиши ҳисобланади”
Тошкент, Ўзбекистон (UzDaily.uz) --
Германия иқтисодий делегацияси ҳамда ОАВ журналистларининг Самарқанд вилоятига танишув сафари вақтида Германиянинг Ўзбекистондаги Фавқулодда ва Мухтор Элчиси Гюнтер Оверфельд “JV MAN Auto-Uzbekistan” ўзбек-немис қўшма корхонаси фаолияти ҳамда мазкур заводда ишлаб чиқарилаёган ускуналар моделлари билан танишди.
Самарали ва конструктив сармоявий ҳамкорликнинг яққол мисоли сифатида Германиянинг дунёга танилган машҳур концернлари билан ҳамкорликдаги лойиҳаларни кўрсатиш мумкин. Улар орасида “MAN” билан бирга замонавий юк машиналарини ишлаб чиқаришни ташкил этишни мисол қилишимиз мумкин. Самарқанд вилоятининг Жомбой туманида «JV MAN Auto-Uzbekistan» корхонаси жойлашган. Корхонанинг ишлаб чиқариш майдони 26,34 гектар майдонни эгаллаган. Компаниянинг маҳсулотлари 15 тоннадан 50 тоннагача юк кўтарадиган MAN автомобилларидир. Завод йилига 8000 донагача кўпайиши имконияти билан йилига 3 мингдан зиёд юк машиналари ишлаб чиқармоқда.
“Мен Ўзбекистонда Германия Федератив Республикаси Элчиси вазифаларини бажаришга жорий йилнинг сентябрь ойида киришдим. Ўзбекистон ва Германия ўртасидаги икки томонлама муносабатлар жадал ривожланаётганини таъкидламоқчиман. Шу билан бирга, икки мамлакат ҳамкорлигини янада кенгайтиришдан манфаатдормиз ва янги босқичга олиб чиқиш мақсадида фаолият кўрсатяпмиз. Биз учун юқори ўсиш салоҳиятга эга бозорларда инвестиция киритиш жуда муҳим аҳамиятга эга. Ўзбекистон Марказий Осиёдаги стратегик ўринни эгаллайди, ҳар доим биз учун муҳим давлат бўлиб келган ва 25 йилдан бери давом этаётган муносабатларимиз мустаҳкам пойдеворга эга”, - деди Германия Элчиси Гюнтер Оверфельд.
СЎНГИ ЯНГИЛИКЛАР