Тошкент, Узбекистан (UzDaily.uz)  – Ўтган йилнинг май ойидан бошлаб дзюдо бўйича Токио Олимпиадаси учун рейтинг очколарини жамғариш бошланган. Айни пайтга келиб жаҳон чемпионати, Мастерс, Катта дубулға, Гран-при каби кўплаб мусобақалар ўтказилди ва унда спортчилар қимматли рейтинг очколарини йиғишди. Эндиликда, сизларни дзюдочиларимизнинг Токио Олимпиадаси рейтингидаги вазияти ҳақида таништириб борамиз.

-60 кг:

1. Роберт Мшвидобадзе (Россия) – 2251 очко
2. Шарофиддин Лутфуллаев – 1220 очко (йўлланма зонасида)
3. Диёрбек Ўрозбоев – 378 очко (йўлланма зонасида эмас)

-66 кг:

1. Жоширо Маруяма (Япония) – 2250 очко
2. Сардор Нуруллаев – 877 очко (йўлланма зонасида)
3. Шаҳрам Аҳадов – 569 очко (йўлланма зонасида)

-73 кг:

1. Лаша Шавдатуашвили (Грузия) – 1955 очко
2. Ҳикматиллоҳ Тўраев – 831 очко (йўлланма зонасида)

-81 кг:

1. Саги Муки (Исроил) – 1975 очко
2. Шарофиддин Болтабоев – 348 (йўлланма зонасида эмас)

-90 кг:

1. Николоз Шеразадишвили (Испания) – 2451 очко
2. Давлат Бобонов – 261 очко (йўлланма зонасида эмас)

-100 кг:

1. Варлам Липартелиани (Грузия) – 2351 очко
2. Муҳаммадкарим Хуррамов – 626 (қитъавий квота)

+100 кг:

1. Гурам Тушишвили (Грузия) – 2255 очко
2. Бекмурод Олтибоев – 1360 очко (йўлланма зонасида)

Ҳозирги вақтда 6 нафар дзюдочимиз Олимпиада учун бериладиган йўлланма зонасида туришибди. Ҳали рейтинг очколарини йиғиш тўхтатиладиган санага 1 йилдан ортиқ вақт бор эканини инобатга олсак, қолган вакилларимизда ҳам яхшигина имконият бор.

Эслатма!

– Юқорида фақат Олимпиада рейтинги келтириб ўтилган, жаҳон рейтинги эмас.

– Рейтингда етакчи ва унга энг яқин вакилимиз кўрсатилган.

– Бир вазнда 2 ёки ундан ортиқ дзюдочи йўлланма зонасида бўлса (худди -66 кг вазн тоифасидек), қайси спортчи Олимпиадага боришини МОҚ танлайди.

– Олимпиада рейтингини йиғиш 2020 йилнинг 25 май санасида якунланади.

Манба: Ўзбекистон миллий олимпия қўмитаси.