Тошкент, Ўзбекистон (UzDaily.uz) — Қирғизистон Президенти Садир Жапаров Дүйшенқул Чотоновни Қирғизистоннинг Ўзбекистондаги янги элчиси этиб тайинлади. Бу ҳақда давлат раҳбари матбуот хизмати хабар берди.

Дүйшенқул Чотонов давлат ва дипломатик хизмат соҳасида катта тажрибага эга. У аввалроқ Жогорку Кенеш депутати бўлган, Қирғизистоннинг Жанубий Корея ва Вьетнамдаги дипломатик миссияларини бошқарган. Шунингдек, Қирғизистон муваққат ҳукуматида фавқулодда вазиятлар вазири лавозимида ишлаган.

Чотоновнинг Тошкентда элчи этиб тайинланиши Қирғизистоннинг Ўзбекистондаги дипломатик миссиясини 2022 йилдан 2024 йил октябригача бошқарган Муса Жаманбоевнинг лавозимидан озод қилиниши ортидан амалга оширилди.