Тошкент, Ўзбекистон (UzDaily.uz) — 14 январь куни маҳаллий вақт билан соат 05:43 да Бухоро вилоятида зилзила содир бўлди.

Фавқулодда вазиятлар вазирлиги Сейсмопрогноз мониторинги Республика маркази маълумотига кўра, зилзиланинг эпицентри Қоракўл туманида, 40,28 даража шимолий кенглик ва 63,07 даража шарқий узунлик координаталарида жойлашган.

Зилзиланинг магнитудаси 4 баллни ташкил этган бўлиб, у 10 км чуқурликда рўй берган.

Эпицентрдан Тошкентгача бўлган масофа жануби-ғарбий йўналиш бўйича 529 км ни ташкил этади.

Эпицентрга яқин жойлашган туманларда ер қимирлаш кучи 2 баллга етиб, Пешку тумани (44 км масофада) ва Қоракўл туманида (56 км масофада) сезилган.