Тошкент, Ўзбекистон (UzDaily.uz) — Бухоро нефт ва газ саноати коллежи «Газпром нефть» Коллежлар Лигаси таълим экотизимига қўшилди ва Россия билан ягона технологик стандартлар асосида ишчи касб мутахассисларини тайёрлайди. Бу ҳақда Санкт-Петербургда ўтказилган «Ўқитиш энергияси» конференцияси якунлари бўйича «Газпром нефть» корпоратив университети маълум қилди.

1974 йилдан бери фаолият юритаётган Бухоро коллежи Лигага қўшилган биринчи хорижий иштирокчи бўлди. «Газпром нефть» корпоратив университети ректори Илья Дементевнинг сўзларига кўра, ҳамкорлик таълим дастурларининг даражасини ошириш ва Россия ҳамда Ўзбекистон мутахассислари ўртасида тажриба алмашишни кучайтириш имконини беради. Компания аллақачон шерик коллежлар инфратузилмасини ривожлантириш, лабораториялар ва ўқув марказларини очиш учун 250 миллион рубль йўналтирган.

«Коллежлар Лигаси» 10 минтақадаги 20 ўқув муассасасини бирлаштириб, 3 мингдан ортиқ талабага 20 та нефт-газ мутахассислиги бўйича таълим беради. Дастур битирувчилари индустриал шерик корхоналарида ишга жойлаштиришда устуворликка эга бўладилар.

Бухоро коллежи директори Сафар Усмонов йирик компаниялар билан ҳамкорлик талабаларга янги технологияларни ўрганиш имкониятини беришига эътибор қаратди. «Бизнинг битирувчиларимиз аллақачон "Газпром нефть" бўлимларида ишламоқда, ва мен ишонаманки, бундан кейинги ҳамкорлик ҳам аъло натижалар олиб келади», — деди у.