Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
30/05/2016
Бу йил лицей ва коллежларга 476 мингдан ортиқ ўғил-қизлар киришади
Бу йил лицей ва коллежларга 476 мингдан ортиқ ўғил-қизлар киришади
Тошкент, Ўзбекистон (UzDaily.uz) --
25-май куни Ўзбекистондаги мактабларнинг 9-синфларида ўқиётган 477 мингга яқин ўғил-қизлар учун “Сўнгги қўнғироқ” жаранглади.
Халқ таълими вазирлиги Матбуот хизматининг маълумотларига кўра, бу йил мактабни 476 минг 616 нафар ўғил-қизлар битиришган.
Тегишли ташкилотлар билан ҳамкорликда болаларнинг келгусида қайси коллеж ёки лицейда таҳсилни давом эттиришини мукаммал ўрганиш мақсадида махсус сўровномалар ўтказилди. Унга кўра ўқувчиларнинг 42 870 нафари (9%) академик лицейларда, 433 738 нафари (91%) касб-ҳунар коллежларида ўқиш истакларини билдиришган.
9-синф битирувчилари учун “Мен танлаган касбни-келажак ҳаётимдаги ўрни” мавзусида иншолар танлови, “Касблар фестивали”, “Очиқ эшиклар куни”да ўзи яшаб турган ҳудуддаги ишлаб чиқариш корхоналари, фермер хўжаликлари, таълим муассасаларига саёҳат ва экскурсиялар ташкил этилди.
СЎНГИ ЯНГИЛИКЛАР