Тошкент, Ўзбекистон (UzDaily.uz) — Андижон вилоятида блогер ўзининг KIA автомобилига буржуйка печ ўрнатиб, унинг том қисмида тутун чиқиш учун тешик очди ва каналининг видеоси учун лавҳа тайёрлади.

Вилоят Йўл ҳаракати хавфсизлиги бошқармаси (ЙҲХБ) маълумотига кўра, блогерга нисбатан тегишли чоралар кўрилган. Ҳодиса жорий йилнинг 2 январь куни Асакан туманида содир бўлган.

Мазкур видео муаллифи блогер Гайрат Маҳмудов экани маълум бўлди. Кадрларда у печни олд ўриндиқ ўрнига ўрнатгани ва чойнакда сув қайнатгани кўринади.

Натижада, автомобиль жарима майдончасига жўнатилди ва блогерга нисбатан транспортда ёнғин хавфсизлиги қоидаларини бузганлик учун маъмурий баённома расмийлаштирилди.