Тошкент, Ўзбекистон (UzDaily.uz) — "Манчестер Сити" вице-капитани Бернарду Силва Ўзбекистонлик ҳимоячи Абдукодир Хусанов ҳақида фикр билдирди, деб хабар беради City Xtra.
Силванинг таъкидлашича, "Челси" га қарши дебют ўйини Хусанов учун осон кечмаган. У жамоа билан атиги бир ҳафта шуғулланган ва тил барьери қўшимча муаммо бўлган. Бу эса бир қатор афсусланарли хатоларга олиб келган.
Шу билан бирга, ўзбек футболчиси ўзининг илк тажрибасидан тўғри хулоса чиқариб, кейинги учрашувларда ўзининг юқори савиясини намойиш этган.
Бернарду Силва Хусановнинг ҳар ўйинда ўсишда давом этаётганини, майдонда тобора ишончли ҳаракат қилаётганини таъкидлаб, унинг характери ва иқтидорига юқори баҳо берди.
