Тошкент, Ўзбекистон (UzDaily.uz) — Ўзбекистонда ички ишлар вазирининг янги биринчи ўринбосари тайинланди.

Президент фармонига кўра, ушбу лавозимга полковник Аюбхон Рахматуллаев тайинланди. Унинг тайинланиши ҳақида сешанба куни Ички ишлар вазирлигида бўлиб ўтган йиғилишда маълум қилинди.

Янги лавозимга тайинлангунга қадар Аюбхон Рахматуллаев Андижон вилояти Ички ишлар бошқармаси бошлиғи лавозимида ишлаб келган.

Шунингдек, полковник Улуғбек Ташходжаев Ички ишлар вазирлиги ҳузуридаги Миграция ва персонализация департаменти раҳбари этиб тайинланди.

Ушбу тайинловлар тегишли президент фармони билан расмийлаштирилди.