Тошкент, Ўзбекистон (UzDaily.uz) — InterContinental Tashkent меҳмонхонасида жамоат транспорти соҳасидаги ATTO миллий рақамли тўловлар платформаси томонидан ташкил этилган "5 йил бирга" соҳа конференцияси бўлиб ўтди. Тадбирда банклар, тўлов ташкилотлари, транспорт компаниялари ва давлат тузилмалари вакиллари қатнашди.

 Конференция компаниянинг беш йиллигига бағишланган бўлиб, Ўзбекистоннинг транспорт инфратузилмасини ривожлантиришнинг асосий йўналишларини муҳокама қилиш майдонига айланди. Бизнес дастури транспорт ва финтех соҳаларининг етакчи мутахассислари тақдимотлари ва чиқишларини ўз ичига олди.

Сўнгги йилларда ATTO шаҳар транспортида нақдсиз тўловга ўтишда муҳим роль ўйнади. Бугунги кунга келиб тизим Ўзбекистоннинг йирик шаҳарларини қамраб олган бўлиб, нақд пул айланишига тушган юкни камайтирди, йўловчиларнинг йўлларини осонлаштирди ва транспорт операторлари ҳамда молиявий институтлар учун янги имкониятларни очди.

ATTO платформаси шаҳар мобиллигини рақамли трансформация қилиш соҳасида инновацион лойиҳа сифатида ишга туширилган. Беш йил мобайнида у тўлиқ экосистемага айланди ва банк карталари, QR-тўловлар, давлат ва хусусий ташувчилар билан интеграциялашди. Лойиҳа финтех ва транспорт соҳаларида давлат ва бизнес ўртасида самарали ҳамкорлик намунасига айланди.

«Рақамлилаштириш, ўз навбатида, транспортнинг трансформацияси учун яна бир муҳим таянчдир. Илғор технологик ечимларни жорий этиш хизматларга киришни осонлаштирадиган ва фойдаланувчи тажрибасини яхшилайдиган интеграциялашган транспорт тизимини яратиш имконини беради. Автоматлаштирилган тўлов тизимлари, мобил иловалар ва ҳаракатни бошқариш учун интеллектуал платформалар — буларнинг барчаси жараён иштирокчилари учун янги имкониятлар очади», — деди Ўзбекистон транспорт вазирининг ўринбосари Абдуғаффаров Илхомжон Абдухалилович.

«Биз шаҳар ҳаётини қуришда архитектор бўлишга интиламиз, бу орқали технологиялар қулайлик, шаффофлик ва ривожланиш учун хизмат қилади. "5 йил бирга" конференцияси — бу натижаларни сарҳисоб қилиш имконияти, энг муҳими, мамлакатнинг барқарор ва интеграциялашган транспорт тизими сари қўшимча қадамларни белгилаш», — таъкидлади ATTOнинг ижрочи директори Даврон Шоёкубов.

Конференция UZCARD компаниясининг бош ҳомийлигида ўтказилди. Энг йирик миллий тўлов тизими билан ҳамкорлик, мамлакатнинг рақамли инфратузилмасини барқарор ривожлантириш учун транспорт ва молия соҳалари ўртасидаги мулоқотнинг аҳамиятини таъкидлайди.