Тошкент, Ўзбекистон (UzDaily.uz) — «Алоқабанк» 500 миллиард сўм миқдорида оддий акциялар чиқаргани ҳақида ягона корпоратив маълумотлар портали хабар берди.

Банкнинг кузатув кенгаши 3 декабр куни акциялар чиқариш тўғрисида қарор қабул қилди, 11 декабрда эса эмиссия давлат органлари томонидан рўйхатдан ўтказилди. Жами 500 миллиард қимматли қоғоз чиқарилган бўлиб, ҳар бири номинал қиймати 1 сўмни ташкил этади.

Акциялар ёпиқ обуна орқали жойлаштирилади ва мавжуд инвесторлар учун имтиёзли сотиб олиш ҳуқуқи тақдим этилади.

Қолган қисм эса беш нафар жисмоний шахс — Маҳмуд Аҳмедов, Зоиржон Каримов, Хусанжон Фазилов, Акрам Ҳайдаров ва Шухрат Юнусалиев ўртасида тақсимланади.

«Алоқабанк» маълумотига кўра, 2024 йил октябр ойига келиб банкнинг устав капитали 2,01 триллион сўмни ташкил этган. Эмиссиядан сўнг капитал 2,51 триллион сўмга етказилади.

Ушбу эмиссияга қадар банкнинг энг йирик акциядори Реконструкция ва тараққиёт жамғармаси бўлиб, унга 61,8% акциялар тегишли эди. Шунингдек, 22,03% акциялар «Ўзбектелеком» компанияси, 6,3% — Ахборот-коммуникация технологияларини ривожлантириш жамғармаси, 4,32% эса Иқтисодиёт ва молия вазирлиги тасарруфида бўлган.