Энг сўнгги янгиликлардан хабардор бўлинг
Телеграм каналимизга обуна бўлинг
Технологиялар
24/03/2018
АКТ вазири “Silverleafe Capital Parthers” компанияси делегациясини қабул қилди
АКТ вазири “Silverleafe Capital Parthers” компанияси делегациясини қабул қилди
Тошкент, Ўзбекистон (UzDaily.uz) --
Ахборот технологиялари ва коммуникацияларини ривожлантириш вазири Азим Аҳмадхўжаев бугун мамлакатимизга иқтисодиётнинг турли соҳаларидаги инвестицион имкониятлар билан танишиш мақсадида ташриф буюрган “Silverleafe Capital Parthers” компаниясининг делегацияси билан учрашди. Делегацияга компания президенти Ден Петтерсон бошчилик қилмоқда.
Музокаранинг асосий мавзуси блокчейн технологиясини ривожлантириш масаласи бўлди. Ушбу технологиялар ахборот-коммуникация технологиялари тараққиётидаги янги ва истиқболи порлоқ йўналиш бўлиб, тарафлар мазкур технологиялар ривожланишининг охирги тенденциялари юзасидан фикрлашишди.
Таъкидлаш жоизки, Ахборот технологиялари ва коммуникацияларини ривожлантириш вазирлиги ушбу технологияни фаол қўллаб келмоқда. 2018 йил 1 июньдан бошлаб Блокчейн ва бўлинган реестр технологиялари бўйича компетенция маркази ташкил этилади. Марказнинг асосий вазифалари кадрлар, яъни ишлаб чиқувчи мутахассислар, лойиҳа менежерлари, давлат хизмати амалдорлари, ўқитувчиларнинг малакасини ошириш ҳисобланади.
Шунингдек, меҳмонлар яқинда ташкил этилган “Mirzo Ulugbek Innovation Center” информацион технологияларни ишлаб чиқиш ва жорий этишни қўлаб-қувватлаш инновацион маркази фаолияти билан ҳам таништирилди.
СЎНГИ ЯНГИЛИКЛАР