Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
22/08/2017
Абдулазиз Камилов Ҳиндистоннинг сиёсат шакллантирувчи таҳлилий марказлари вакиллари билан учрашди
Абдулазиз Камилов Ҳиндистоннинг сиёсат шакллантирувчи таҳлилий марказлари вакиллари билан учрашди
Тошкент, Ўзбекистон (UzDaily.uz) --
2017 йилнинг 21 август куни Ўзбекистон Республикаси Ташқи ишлар вазири Абдулазиз Камилов бошчилигидаги делегация Деҳли шаҳрида Ҳиндистон Мудофаа вазирлигининг Мудофаа тадқиқотлари ва таҳлил институти, Вивекананд халқаро жамғармаси ва Ҳиндистон Кузатув-тадқиқот жамғармаси раҳбарлари ва экспертлари билан учрашди. Бу ҳақда ЎзР ТИВ Матбуот хизмати хабар беради.
Вазир томонидан ўтказилган тақдимот нуфузли Ҳиндистон таҳлилчи ва экспертларида катта қизиқиш уйғотди. Ушбу тақдимотда Президент Шавкат Мирзиёев томонидан тасдиқланган 2017-2021-йилларда Ўзбекистонни ривожлантиришнинг бешта устувор йўналиши бўйича Ҳаракатлар стратегияси тўғрисида батафсил маълумот берилди ва ушбу ҳужжат кўп қиррали Ўзбекистон-Ҳиндистон ҳамкорлиги учун Ҳиндистон тажрибаси ва технологиясини жалб қилган ҳолда қўшма лойиҳаларни амалга ошириш орқали янги имкониятлар яратиши қайд этилди.
Абдулазиз Камилов ҳиндистонлик иштирокчилар томонидан берилган барча саволларга, хусусан халқаро хавфсизлик ва барқарорликни таъминлаш масалалари ҳамда баъзи минтақа муаммоларига оид саволарга жавоб берди.
СЎНГИ ЯНГИЛИКЛАР