Операторнинг учинчи чоракдаги даромади ўтган йилнинг мос даврига нисбатан 7,66 фоизга камайиб, 169 млн. АҚШ долларини ташкил қилди.

Мобил хизматлар сегментида 2016-йилнинг январь-сентябрь ойларида 494 млн. АҚШ долларлик хизматлар кўрсатилди, ўтган йилнинг шу даврида 523 млн. АҚШ долларилик хизматлар кўрсатилганди, бу эса кўрсаткичлар 5 фоизга кам деганидир.

Маълумотларни узатишдан бўлган даромад ҳисобот даврида 96 млн. АҚШ долларини ташкил этди, бу эса ўтган йилнинг шу даврига нисбатан 6 фоизга камдир.

“Beeline”нинг Ўзбекистондаги абонентлар базаси 2016-йилнинг 9 ойлик якунларига кўра 9,6 млн. нафар одамни ташкил этди, бу эса ўтган йилнинг мазкур даврига нисбатан 5,89 фоизга камдир.