Тошкент, Ўзбекистон (UzDaily.uz) — 2025 йил 1 апрелдан Ўзбекистонда иситиш мавсуми учун белгиланган табиий газнинг базавий истеъмол меъёри 500 куб метрдан 100 куб метрга туширилади. Бу ҳақда «Ҳудудгазтаъминот» компанияси хабар бермоқда.

Ушбу қарор 2024 йилда қабул қилинган Вазирлар Маҳкамасининг 204-сонли қарори асосида қабул қилинган бўлиб, унга мувофиқ, меъёрни ўзгартириш март ойида амалга оширилиши лозим эди.

Бироқ, март ойидаги совуқ ҳаво ва паст ҳароратлар сабабли, Президент топшириғига асосан 500 куб метрлик меъёрни 2025 йил 1 апрелга қадар узайтириш тўғрисида қарор қабул қилинган эди.