“2016-йилнинг 9-ноябрдан бошлаб Андижондан Тошкентга № 94/93 рақамли тезюрар поезди қатнай бошлайди, - дейилади “Ўзбекистон темир йўллари” АЖ хабарида.

Поезд Тошкентдан чоршанба кунлари соат 13:00 да жўнаб, Андижонга соат 19:10 да етиб келади. Андижондан поезд шанба кунлари соат 22:15 да жўнаб, Тошкентга соат 05:15 да етиб келади.

2016-йилнинг 10-ноябрдан бошлаб “Ўзбекистон темир йўллари” АЖ Андижондан Ургенчга № 393/394 рақамли тезюрар поездининг қатнай бошлашини маълум қилди.

Поезд Андижондан пайшанба кунлари соат 08:05 да жўнаб, Ургенчга жума куни соат 08:00 да етиб келади. Ургенчдан поезд жума кунлари соат 19:20 да жўнаб, Андижонга шанба куни соат 19:10 да етиб келади.