Toshkent, O‘zbekiston (UzDaily.uz) — Yandex Go taksi chaqirish xizmati endilikda Navoiy shahrida ham faoliyatini boshladi va O‘zbekistonning 16-shahrida foydalanishga topshirildi. Endi shahar aholisi va mehmonlari iOS va Android uchun mo‘ljallangan Yandex Go mobil ilovasi orqali qulay ravishda safar buyurtma qilishlari mumkin.

Buyurtma berish uchun xaritada jo‘nash va manzil nuqtalarini ko‘rsatish kifoya. Ilova mashinaning yetib kelish vaqtini va haydovchi haqidagi ma’lumotlarni ko‘rsatadi. To‘lovni naqd pulda yoki ilovaga bog‘langan bank kartasi orqali amalga oshirish mumkin.

Safarning minimal narxi 4000 so‘mni tashkil etadi. Masalan, "Voshod" bozori va "Yangi Hayot" supermarketiga borish taxminan 4500 so‘mga tushadi.

Yandex Go Yandex texnologiyalaridan, jumladan, xaritalar, navigatsiya va intellektual buyurtma taqsimlash tizimidan foydalanadi. Xizmat avvaldan O‘zbekistonning 15 ta shahrida, jumladan, Toshkent, Namangan, Andijon, Farg‘ona, Marg‘ilon, Qo‘qon, Samarqand, Buxoro, Termiz, Nukus, Qarshi, Urganch, Xiva, Guliston va Jizzaxda faoliyat ko‘rsatib kelmoqda.