Toshkent, O‘zbekiston (UzDaily.uz) — “Uzbekistan Airways“ AJning 2024-yil III chorak yakunlari bo‘yicha sof foydasi 494,0 mlrd so‘mni tashkil etdi, bu esa 2023-yilning shu davriga (143,1 mlrd so‘m) nisbatan 245,1% ga ko‘pdir.

Boshqa operatsion xarajatlar 254,6 mlrddan 1,1 trln so‘mga oshdi. Moliyaviy faoliyatdan olingan daromadlar 1,2 trlndan 542,6 mlrd so‘mga, ular bo‘yicha xarajatlar esa 2,2 trlndan 853,4 mlrd so‘mga kamaydi.

Kompaniyaning taqsimlanmagan foydasi chorak yakuniga ko‘ra 176,2 mlrd so‘mni tashkil etdi. 2023-yilning mos davrida qoplanmagan zarar 319,8 mlrd so‘mga yetgan edi. Shuningdek, yillik hisobda uzoq muddatli bank kreditlari 7,5 trlndan 6,9 trln so‘mga qisqardi.

Tashuvchining aktivlari 18,4 trillion so‘mni (+3,8 foiz), kapitali esa 8 trillion so‘mni (+6,2 foiz) tashkil etdi.