Toshkent, O‘zbekiston (UzDaily.uz) — 2025 yil 7-yanvar kuni soat 10:00 da Chevrolet Cobalt GX-STYLE AT PLUS va GX-MIDNIGHT AT avtomobillari uchun kontraktatsiya boshlanadi. Bu haqda UzAuto Motors matbuot xizmati xabar berdi.

Kompaniya ma'lumotlariga ko‘ra, avtomobillarni sotib olish bo‘yicha shartnomalar faqatgina onlayn platforma orqali rasmiy saytda savdo.uzavtosanoat.uz va UzAvtoSavdo ilovasida amalga oshiriladi.

Mijozlarning qulayligi uchun Telegram-bot navbatni kuzatish xizmatini hamda mavjud avtomobillar haqida ma’lumotni taqdim etadi.

Shuningdek, avtomobil xaridi uchun tuzilgan shartnomalar bo‘yicha to‘lov yetti kalendar kun ichida amalga oshirilishi lozim.