Toshkent, O‘zbekiston (UzDaily.uz) — O‘zbekiston Respublikasi Prezidenti Shavkat Mirziyoyev Umumjahon pochta ittifoqining Ustaviga 2018 yil 7 sentyabrda Addis-Abebada qabul qilingan O‘ninchi qo‘shimcha bayonnoma va 2021 yil 26 avgustda Abidjanda qabul qilingan O‘n birinchi qo‘shimcha bayonnomani ratifikatsiya qilish to‘g‘risidagi qonunni tasdiqladi.

Ushbu hujjat xalqaro pochta hamkorligini mustahkamlash, shuningdek, samarali va barqaror pochta xizmatlarini takomillashtirish hamda rivojlantirishga qaratilgan.

Ratifikatsiya qilingan protokollar doirasida Jahon pochta ittifoqiga aʼzo davlatlar bilan sheriklik munosabatlarini kengaytirish, yangi shart-sharoit va realliklarni hisobga olgan holda xalqaro pochta almashinuvini tashkil etish, shuningdek, O‘zbekistonning manfaatlarini boshqa mamlakatlarning pochta operatorlari bilan hamkorlikda himoya qilish nazarda tutilgan.