Toshkent, O‘zbekiston (UzDaily.uz) — Rossiyaning Red Wings aviakompaniyasiga tegishli RWZ1512 reysini amalga oshirayotgan Toshkent–Qozon yo‘nalishidagi samolyot dronlar hujumi tahdidi tufayli belgilangan manziliga qo‘na olmadi, deb xabar bermoqda Flightradar ma’lumotlari.

Toshkent vaqti bilan soat 10:25 da samolyot Samara tomon yo‘nalgan.

Qozonda bir necha portlashlar eshitilgan. Ma’lumotlarga ko‘ra, dronlar shahar korxonalaridan birini hujumga olishga uringan.

Keyinchalik Tatariston hokimiyati dronlar hujumi muvaffaqiyatli qaytarilganini ma’lum qildi. Hech kim jabrlanmagan va hech qanday zarar yetkazilmagan.